Bergarara egindako bidaia ezin da bertako gozo tipikoak barrubete edo rellenoak eta tostoiak dastatu gabe amaitu.

• Datu orokorrak
• Mapa
• Lotura interesgarriak

Gozotegiak

• LARRAÑAGA gozotegia - San Pedro kalea, 9
  1840. urtean "GOTXOTEGIA" zegoen gaur egungo  kokapenean Felix    Aranzadi eta Valentina Unamunoren agintepean.  Ordurako Bergarako "errellenoak" deituriko bizkotxoak egiten ziren bertan.  1870an negozioa eta instalazioa Doroteo  Unzurrunzaga Egiak hartzen zituen 1905 arte. 1905. urtean Manuel LARRAÑAGAren  familiak hartu zuen negozioa eta gaur egun, familiaren laugarren belaunaldiak  jarraitzen du lanean. Argizarien ekoizpena eta kafetegi funtzioa garai batean  bazuen ere, momentu honetan, gozotegiko eskaintza du. Etxe  honetan, 1860ko urtarrilaren 4an Telesforo Aranzadi eta Unamuno jaio izan zen.
• RAIZABAL gozotegia - Artekale 9, Bidekurutzeta  20-22
  1908. urtean Basilio Raizabalek jarri zuen  gozotegia, umetatik Piaren Gozotegian aprendiz lanetan ibili ondoren. Gaur  egun, familiaren laugarren belaunaldiak jarraitzen du tradiziozko-gozoak  egiten. Garai batetan, argizaria ere egiten zen.
• MUJIKA gozotegia - Artekale, 3
  1916. urtean Francisco Mujikak sortutako  etxea, Bilbon Otxoa Gozotegian ikasi ondoren. Bere seme Roman Mujikak jarraitu  zuen eta gaur egun,honen seme Xabierrek. Beraz, familiaren hirugarren  belaunaldiak jarraitzen du Bergarako tradizioko artisau-gozoak ekoizten eta  saltzen. Garai batzuetan, argizaria eta txokolatea ekoizten zuten.

Nola egiten dira

• Errellenoak
  Osagaiak: Arraultza, irina, azukrea.
  Nola egiten dira: Alde batetik, gorringoa eta  azukrea nahastu egiten dira. Bestetik, zuringoa hartu eta guztia nahasten da  eskuekin, eta papelera bota. 10 minututan eta 200 ºC tan egiten dira.  Errelleinoak egunero egiten dituzte.
• Tostoiak
  Osagaiak: zuringoa, irina, azukrea, almendrak.
  Nola egiten dira: Lehenengo, zuringoa irabiatu  eta azukrearekin nahastu. Ondoren irina bota eta guztia nahastu. Azkenik manga  pasteleroarekin bota eta gainean almendrak jarri. 2 ordu behar dira eta 120‐130ºCtan egiten dira.
  Anekdota: Lehorrak edo sekuak zirelakoan,  kanpotar batek zakarrontzira bota zituela.

Informazio gehiago
Turismo bulegoa - Errekalde Jauregia - Juan de Irazabal Ibiltokia, 001 - 20570 Bergara
943 779 128 - turismoa@bergara.net