Formulario de acceso

Pasahitza ahaztu dut

  1. Hasiera
  2. Erakusketa: "Abere ba"

Erakusketa: "Abere ba"

  • "Abere ba" erakusketaren argazkia

Donostiako Ernest Lluch Kultur Etxeak Bigara bikotearen "Abere ba" erakusketa aurkezten du.

Udalherria: Donostia / San Sebastián

Lekua: Ernest Lluch Amarako Kultur Etxea

Ordua:  

Hasiera: 2020/11/13

Amaiera: 2021/03/13

Sarrerak: Doan / Gratis

Donostia kultura

Reina Regente, 8. 20003 Donostia (edificio del Tea (20003) Donostia / San Sebastián

Telefonoa: 943 481 150
Faxa: 943 483 900
Weba: http://www.donostiakultura.eus
Emaila: donostiakultura@donostia.eus

Donostia Kultura -gaur egun Enpresa Erakunde Publikoa- hiriaren garapen eta proiekziorako kultur eragile nagusia da. Hainbat udal-ekipamendu eta -zerbitzu kudeatzeaz gain, kultura-diziplina guztietan programazioa eta jaialdiak antolatzen ditu eta, bereziki, hirian kultura-plataforma berriak sustatzen ditu ekimen publikoak eta pribatuak bateratuz.

Abere ba Bigara bikote sortzailearen proiektua da (Itziar Aranburu eta Jon Ander Garcia), eta bere jatorria izen bereko liburuan du: Abere ba. Palindromo ilustratuen piztegia (Pamiela, 2020).

Donostia Kulturak ekoitzitako erakusketa honen ardatza euskarazko palindromoak dira. Bigarak euskarazko animalien izenetan palindromo meategi aberatsa topatu du, eta izen horiek abiapuntu hartuta hitz eta letrekin mugagabe esperimentatu. Proposamen esperientziala da, beraz, sortzera gonbidatzen duena.

Aldi berean, hizkuntzaren hautazkotasuna hausnartzeko eta esanahiaren gailentzea aztertzeko aukera paregabea eskaintzen du ere Abere ba proiektuak. Bestiario klasikoen antzera, testu, hitz eta hizkien bilgunea da erakusketa: etxekotua izan nahi ez duen piztia multzoa.

Erakusketak, inpresio mota ezberdinak erabiliz, letrekin egindako 101 ilustrazio (bakoitza dagokion palindromoarekin) eta 40tik gora testu aurkezten ditu, koadro moduan antolatuta. Zenbait egurrezko pieza tartekatzen dira ere koadroen artean, eta bi testu grafiko eta bideo ezberdinek borobiltzen dute lana.

Elkarlanean

Erakusketa osatzerako garaian Bigarak elkarlan aipagarriak gauzatu ditu:

  • Begiaundi Press
  • José Luis Lanzagortak bere letterpress tailerrean garai batean egiten zen moduan inprimatzen du, aspaldiko inprentako berun eta egurrezko letrak erabiliz. Horrek lotura zuzena du Abere ba proiektuarekin, letrak baitira abiapuntua. Gainera inpresio teknikak berak ispilu moduan planteatzen du konposaketa, palindromoaren ispilu izaera gogora ekarriz.
  • Teknika honen bidez gauzatutako lanek ematen diote sarrera erakusketari.
  • Zazpi t´erdi
  • Bigarak Zazpi t´erdi ikus-entzunezko kolektiboarekin elkarlanean bideo eta testuen animazioak sortu ditu ere, hitzen ahozkotasuna lantzeko helburuarekin.
  • Testu palindromoa irakurtzean ahotsa grabatu eta, atzekoz aurrera entzunda, testu berbera errepikatuko da, baina ahots "sorginduarekin". Kasu honetan irudia ere gehitu zaio, testua atzera bueltan entzutean mugimendu eta keinuek ahotsarekin batera atzera eginez.
  • Azkenik, animazio grafikoek palindromo eta anagrametan hizkien jolasa grafikoki ikustarazten dute, modu poetikoan.

Ordutegia:

  • Astelehenetik ostiralera: 10:00-14:00 eta 16:00-20:30
  • Larunbatetan: 10:00-14:00 / 16:30-20:00
  • Jaiegunetan itxita


Ekei Kulturweb S.L.L.