Formulario de acceso

Pasahitza ahaztu dut

  1. Hasiera
  2. Erakusketa: RUTH ORKIN - Denboraren ilusioa

Erakusketa: RUTH ORKIN - Denboraren ilusioa

  • Kartela

Emakume batentzat, XX. mendearen lehen erdian, Estatu Batuetan zinemagile-karrera egiteak oztopoz betetako bide bat gainditzea esan nahi zuen. Emakumeek «ametsen fabrika» hornitu bai, baina ezin zuten ametsik fabrikatu.

Udalherria: Donostia / San Sebastián

Lekua: Tabakalera - Kutxa Kultur Artegunea

Hasiera: 2022/07/7

Amaiera: 2022/11/16

Sarrerak: 0,00 €

Ruth Orkinek (Boston, 1921 - New York, 1985) alde batera utzi behar izan zuen zinemagile izateko ametsa, edo birbideratu behintzat, baina eragozpen horrexek eman zion, seguruenik, argazkilari gisa erakutsi zuen berezitasuna.

Izan ere, Orkinen obra lehen irudietatik bertatik aztertzen badugu, mamua hainbat itxura hartuta agertzen dela ikusiko dugu. Nolerebait, fotogramaren  zartadura txiki-txiki horietan tartekatzen da eta hondo bikoitz bat iradokitzen du irudian; edo mugimenduaren fluxuak bere tempoa abiarazten duela sumatuko  dugu. Txinparta bat, bere baitan «film-efektu» bat gordetzen duen aztarna bat, «iraupen-efektu» bat, kamera-trikimailu bat bezala  simulatutako iraupen bat…, zeren, azken batean, zinema ez al da, bada, mugimenduaren artea, irudi finko batetik sortua?

Orkinek beti konbinatu zituen argazki-irudiaren ezaugarri tenporalak zinema simulatzeko. Sekuentziak, mugimenduaren deskonposizioa, bikoizketa, aldiberekotasuna, haren ikusizko hizkuntza argazki-irudiaren eta zinemaren elkargunean dago, gelditasunaren eta mugimenduaren arteko bidegurutzean. Orkinen argazkia mestizajerako leku bat da, denbora eta mugimendua lehengoratzen dituen espazio bat, argazkigintzaren hizkuntza bere mugetatik harago bultzatzen duena, ilusioaren eta magiaren indarraren aurrean amore eman arte.

Erakusketa 4 ardatzatan banatuta dago, Ruth Orkinen argazkiek zinemarekin duten zorra ulertzeko aukera ematen dutenak

Komisarioa: Anne Morin

ARTISTA:

Ruth Orkin —Mary Ruby zinema mutuko aktorearen alaba— Hollywood barneko korridoreetan hazi zen, 1920-1930 urteetan. Hamar urterekin jaso zuen  bere lehen argazki-kamera, 39 zentaboko Univex bat, eta harekin hasi zen lehen argazkiak egiten. Baina Ruth Orkin benetan liluratu zuena mugimendudun irudia  izan zen: zinema.

Denboraldi batez, mezulari gisa jardun zuen Metro Goldwin Mayer konpainian, sail batetik bestera azkar igaroz, baina betiere begirada han-hemen pausatzeko   denbora hartuz, eta, segur aski, gauza asko ikasiz, behin eta berriro bere irudi finkoetan betikotu zituenak. Aldi berean, argazki-kazetaritza ikasi zuen, Los Angeles City Collegen, 40ko hamarkadaren hasieran, eta erreportaje-argazkilari gisa hasi zen lanean hainbat aldizkari ilustratutan: LIFE, Look, Ladies Home    Journal

Baina Orkinen lanak berekin dauka beti, modu inplizitu batean, zinemaren botere heuristikoarekiko lilura hori, eta bere bokazioa aurrera eramateko ezintasun horrek hura saihestera eta beste hizkuntza bat asmatzera eraman zuen: bi generoen arteko bidegurutzean, mugimendudun irudiaren eta irudi finkoaren arteko erdibide batean zegoen hizkuntza bat asmatzera, hain zuzen, etengabeko korrespondentzia induzitzen zuena bi tenporaltasun paraleloren artean. Bi lerro ezkutuko horiek elkar oztopatzen dute etengabe, bata bestean sartzen dira, bata bestearekin nahasten, bata bestearen gainean zabaltzen edo behin eta berriz tolesten.

HEZKUNTZA JARDUERAK:

Bisita komentatuak:

Igandero - Doan - 17:30etan euskeraz / 18:30etan gazteleraz
Derrigorrezkoa da aurretik izena ematea: T 943 251937, Aretoan bertan edo hezkuntza_artegunea@kutxakulturartegunea.eus

PROGRAMA PUBLIKOA:

Elkarrizketak Ruth Orkinekin. Denboraren ilusioa.

Urriak 20 - 19:00etan

The Little Fugitive filmaren proiekzioa (1953. Zuzendariak eta gidoigileak: Ray Ashley, Morris Engel, Ruth Orkin. Jatorrizko Bertsioa Ingelesez Gaztelaniazko azpitituluekin, 80 min.) eta solasaldia erakusketaren komisario Anne Morinekin.

Zinema aretoa (Tabakalera, 1. solairua)

Sarrerak salgai, Tabakalerako ohiko salmenta guneetan



Ekei Kulturweb S.L.L.