Ur gazi eta gezazko aintzirak, Irlak, Marearteko hondartzak, Hegazti migratorioak.

• Datu orokorrak
• Mapa
• Lotura interesgarriak

Plaiaundiko Parke Ekologikoa itsasoaren eta ibaiaren artean dagoen esparru bat da, mareek hartua, eta hegazti migratzaileen babesleku izateaz gainera, fauna eta floraren behatokia ere bada. Toki heze hau hegazti migratzaileen Europako igarobide nagusietako bat da. Parkea Txingudiko Baliabide Naturalak Babestu eta Antolatzeko Plan Bereziaren barnean dago, eta plan horrek badia suspertu, eraberritu eta kontserbatzea du helburu. Aintzirak, uharteak eta urmaelak ez dira naturalak, eremu natural honen zati handi bat hondatu baitu gizakiak.

Ekoetxea interpretaziorako zentroa

Plaiaundiko Parke Ekologikoaren sarreran kokatutako zentro honetan Plaiaundiri nahiz badia eta Txingudiko Plan Bereziko natur guneei buruzko mota guztietako informazioa aurkituko duzu.

Zentroaren ordutegia

• Udaberria-uda
  Lanegunak (astelehenak izan ezik): 9:00 - 15:00 / 16:00 - 19:00
  Jaiegunak eta astelehenak: 10:00 - 14:00 / 16:00 - 19:00
• Udazkena-negua
  Lanegunak (astelehenak izan ezik): 9:00 - 15:00 / 15:30 - 17:30
  Jaiegunak eta astelehenak: 10:00 - 14:00 / 15:30 - 17:30

Harremanetarako telefono-zenbakia: 943 619389