Abuztuaren 23etik irailaren 8ra Gipuzkoako Plazan Donostiako XXXIX. Liburu Zahar eta Okasiozkoen Azoka ospatuko da. Guztira 36 bat saltzaile, gehienak Euskal Herrikoak, argitalpenak eta produktuak eskaintzera etorri dira.

• Datu orokorrak
• Mapa
• Lotura interesgarriak

Azokako saltokietan liburu zaharrak, deskatalogatuak, postalak, diskoak, kartelak, argazkiak, komikiak eta aldizkari zaharren aleak eskainiko dira. Liburuzale, bildumazale eta irakurzaleentzat txoko estimatua izan ohi da urtero abuztu amaieratik irailaren erdialdera antolatzen den azoka klasiko hau. Euskal gaiak, artea, historia, sukaldaritza, literatura… aspaldian lortu nahi genuen liburu apreziatua… sorpresa bat baino gehiago hartzeko aukera izango dugu.

Euskadiko Liburu Azoken Batzordeak antolatua, Eusko Jaurlaritzako Kultura Sailaren babesarekin eta Donostia Kulturaren laguntzarekin, egun osoan zehar egongo da zabalik: goizez 11:00tatik 14:00etara, eta arratsaldez 17:00etatik 21:00etara.