Donostiak ohizko Inauterien jaiak ospatzen ditu.

• Datu orokorrak
• Antolatzailea
• Lotura interesgarriak

Gure Inauterietan, elkarrekin ibiltzen dira Konpartsa Historikoak, Euskal Inauteri tradizionala eta konpartsa garaikideagoak.

1814ko lehen konpartsak ikasle, lagun eta artisauen taldeekin osatzen ziren, eta Sarriegik eta Etxagaraik osatutako melodia eta letra propioak zituzten, besteak beste.

Ilunbe 2024

Aurreko urteetan bezala, Ilunbeko konpartsen aurkezpena streaming bidez ikusi ahal izango da You Tubeko gure kanalean, datorren otsailaren 9an, ostirala, 21:01etik aurrera.

Inauteriak 2024

2024 Donostiako Inauteriak otsailaren 8tik, osteguna, 13ra, asteartea, ospatuko dira. 2024ko edizioari buruzko informazio guztia otsailaren 5etik aurrera egongo da eskuragarri.

2024ko kartela

Luis Ángel Argote da 2024ko kartelaren egilea. Luis Angel Arte Ederretan lizentziatua da, UPV/EHUko ikus-entzunezkoen espezialitatean. Ibilbide luzea eta askotarikoa du Gasteizko El Periodico de Álava argitaletxeko marrazki zerrenda grafikoaren maketatzaile eta marrazkilari gisa, Photoshop erabiliz irudien tratamendua ere egin du. Maketatzailea Dato Económico aldizkarian. Photoshop irakaslea. Marrazkilari gisa eta 3D infografiako bideo-proiektuetan kolaboratzailea.15 urtez Noticias de Gipuzkoa, Deia, Diario de Noticias de Álava egunkarietan kolaboratzaile izan zen, iritzizko marrazki zerrenda grafikoa marraztuz, karikaturak eta ilustrazioak eginez.
Egun, Noticias de Gipuzkoaren egutegirako ilustrazioak eta karikaturak egiten jarraitzen du. Karikaturak, logotipoak, kamisetetarako diseinuak enkargatzen ditu, kartel eta ilustrazioen lehiaketetan parte hartzen du, etab.

Aurtengo kartelaren izenburua "Caballero Dragón" da. Inauteriak eszenatoki ezin hobea dira pertsona bakoitza pertsonaia baten paperean sartzeko eta bere filmeko protagonista izateko. 
Erdi Aroko zaldunez mozorrotuta eta Urgull mendiaren gainean, kartelak Donostiako ohiko elementuak ditu, hala nola herensuge-farola krosko gisa, Kontxako baranda modeloko betaurrekoak, Maria Kristina zubiko faroletako beste herensuge bat duen ezpata eta hiriko armarriaren sinboloa duen jantzi urdin eta zuria. Erdi Aroko zaldunen ohiko sarea simulatuz, burbuilazko plastiko bat.

2024ko Momo jainkosa

2024ko Momo jainkosaren pertsonaia Mabel Vidal Sastrek irudikatuko du, Showtime konpartsakoa, eta segizio lanetan, Lydia Simón Callejónek, Joseba Vergara Tornerek eta Irati Núñez Calzadak lagunduko diote Mabeli.

• Mabel Vidal Sastre (Momo jainkosa)
• Lydia Simón Callejón
• Joseba Vergara Torner
• Irati Núñez Calzada

"Inauteriak aukera ematen dit gauza txarrez ahazteko eta hiriko kaleak musika, dantza eta alaitasunez betetzeko."
Mabel Vidal Sastre (2024ko Momo jainkosa)

Mabelek bizitza osoa darama kirolean eta dantzan; VideoShow izeneko talde batean hasi zen dantzan, eta handik gutxira Step izena hartu zuen. Dantza klaseak eman ditu eta gimnasioetan ere lan egin du. Klase kolektiboetako monitoreen, pilatesen, muskulazioko monitoreen, fisio kulturismoaren, kiromasajearen eta kirol-masajearen ikasketak egin zituen ... beti egon da lotuta kirolaren munduarekin, hura baita bere benetako grina.
Txiki-txikitatik ateratzen zen inauterietan, hasieran Bovedarekin, eta 17 urterekin Thamessisen parte izan zen, koreografiekin eta konpartsaren beraren antolaketarekin lagun-duz. 2009an, konpartsa berri bat sortu zuen – Showtime - Alba ahizparekin eta zenbait lagunekin batera. Gaur egun, Alba ahizparen akademian dantzan segitzen du eta Showtimeren koreografietan ere lan egiten du.

2024ko konpartsak eta desfileak

2024ko Inauterietan parte hartuko duten konpartsek Ilunben, Donostia Arena 2016n aurkeztuko dute euren aurkezpena, otsailaren 9an, ostirala, gaueko 21:01ean.

Otsailaren 10ean (larunbata) eta 11an (igandea), 17:01ean, 26 konpartsek parte hartuko dute hiriguneko kaleetako desfileetan.

Otsailaren 17an (larunbata), 17:01ean, 20 konpartsek parte hartuko dute Erriberatako eta Amarako desfilean.

Otsailaren 18an (igandea), 11:01ean, 21 konpartsek parte hartuko dute Altzako Eltze Festan.

2024ko Donostiako inauterietan parte hartuko duten konpartsak hiru kategoriatan banatzen dira, parte-hartzaileen kopuruaren arabera. Inauterietako Sari Nagusia, Umorearen Sari Nagusia eta kategoria bakoitzeko konpartsa eta karrozetarako sariak lehiatuko dira. Konpartsa hauek zein diren eta 2024rako aukeratutako gaiak kontsulta daitezke hemen.

2023ko Inauterietako sarituen zerrenda

Laugarren urtez jarraian, Inauterietako Sari Nagusia Eureka konpartsarentzako izan zen "Memorias de África" gaiarekin. Bestalde, 2023ko Umorearen Sari Nagusia hiru konpartsek partekatu zuten: Bóveda Gazte Elkartea "A ze Banda!" gaiarekin, Furius "Carnaval Vegetal" aukeratu zuen gaiarekin eta azkenik Showtime "Marisol" gaiarekin.