Enirio-Aralar mankomunitateak antolaturik maiatzaren 1ean, astelehena Aralarko larreak irekitzeko festa egingo dute Larraitzen.

• Datu orokorrak
• Mapa
• Antolatzailea
• Lotura interesgarriak

10:00etan zabalduko dira salmahai eta postuak, eta egun osoan zehar, artisautza eta bertako produktuen salmenta, ganadu erakusketa eta erromeria giroa nagusituko dira. 12:00etan irekiko dute Aralarko larreak zabalik daudela irudikatzen duen langa, eta ostegunetik aurrera, eta datozen sei hilabeteetan, 18.000 latxa ardi buru, 850 behi eta 800 bat behor larratuko dira bertan. Larreak zabalduta, 140 bat ganaduzalek –horietatik 40 artzainak– baliatuko dituzte mendiko larraguneak abereak aske ibil daitezen. Enirio-Aralar Mankomunitateak antolatzen du festa hau, eta Ordiziako Udalari dagokio beti mankomunitateari presidentzia.

• 10:00 - Artisau eta salmenta postuen irekiera.
• 11:00 - Kantaldia - Arantxa, Ainhoa eta Maider Ansa..
• 12:00 - Larre irekiera ekitaldia. Suziri jaurtiketarekin Aralarko larreen irekiera irudikatuko da eta ondoren artalde eta haziendak mendiratuko dituzte.
• 12:30 - Herri kirolak - Aizkolariak: Suharri Rodriguez eta Jokin Urretabizkaia / Harrijasotzale: Lur Errekondo eta bertsolariak Mikel Mendizabal eta Bixente Gorostidi.
  

Enirio-Aralar mankomunitatea honako herriak osatzen dute:

• Ordizia
• Legorreta
• Itsasondo
• Arama
• Altzaga
• Gaintza
• Zaldibia
• Ataun
• Beasain
• Lazkao
• Amezketa (Bozue): Abaltzisketa, Orendain, Ikaztegieta y Baliarrain.

Larraitzko eguna Gipuzkoako Foru Aldundiak, Aralarko Parke Naturalak eta Enirio-Aralarko Mankomunitateak antolatu dute.