San Nikolas Egunaren bezperan, herriko gaztetxoak kalean zehar ibiltzen dira San Nikolas gotzaiari kantatuz. Aurten abenduaren 4ean, asteazkenean ospatuko da.

• Datu orokorrak
• Antolatzailea
• Lotura interesgarriak

San Nikolas bezperan, herriko ikasleak kalera irteten dira, egun horretan kantatu ohi diren koplak kantatzera. Lehenengo, gotzainez jantzitako ikasle bat joaten da. Aurtengoan San Nikolas Unai Huarte Valdivielso, Haztegi Ikastolako DBH1eko ikaslea.

Aurten abenduaren 4ean, asteazkenean ospatuko da.

Bainan, zergatik ospatzen da San Nikolas?

Bi ohitura nahasten dira gure ospakizun honetan:

• San Nikolas Asian kokatua dagoen Myrako gotzaia zen eta bere inguruan sortutako kondaira baten arabera (ezkontzeko dirurik ez zuten hiru neskei urrezko poltsa bana utzi zien leihoan). Gabon aurretik umeei opariak banatzen dien pertsonai herrikoia bilakatu da (Santa Klaus, Papa Noel).
  
  
• Ikasleen artean gotzaia izendatzearen ohitura, Europan Erdi Aroan ospatzen ziren "zoroen festetatik" dator. Hau da San Nikolas errondan abesten den letraren zentzugabekeria eta euskara-erdara ahasketaren arrazoia.

Legazpik, Segurak eta Arrasatek soilik eutsi diote ohitura horri.

Ibilbidea:

• Laubide Kalea
• Santikutz kalea
• Santikutz Egoitza
• Santikutz Kalea
• Kale Nagusia
• Euskal Herria Plaza

Parte-hartzaileak:

• Doinua Musika Eskola
• Domingo Agirre Ikastetxea
• Haztegi Ikastola
• Olazabal Institutua

ABESTIAK:

• SAN NIKOLAS
  • Nikolas Deuna ospean
    gabiltaza pozez betean
    ohitura hala delarik
    aterik ate eskean
  • Gazte gaztetandik
    zoli maitatua
    lur zabalarentzat pakea
    gure obispo santua
    santua eta gorestua
  • Oin arina
    Kriskitina joaz
    pozak bezain lotsaz
    santuaren ondraz
    bai esan, ez esan
    sartu gaitzala kalizan
  • Diruz urri gabiltza
    ez daukagu deus
    zuen zain gauzkazue
    jaun andreaok. EUP!
  
  
• SAN NIKOLAS SANTUA
  • San Nikolas santua
    Udalaitzen sortua
    Anboto madarikatua.
  • San Nikolas koronado
    Artzobispo Mari Andres
    egizu egizu piloa.
  • A la una noche y día
    etxekoandra nobila
    egizu egizu piloa.
  • SAN NIKOLAS TRISKILITRAS
    DAMELA DAMELA GAZTAINA
    NO QUIERO MAS.
  
  
• URTE BERRI BERRI
  • Urte berri berrit
    xerri belarri
    otarra bete gaztaina
    gainean lukaina bi
  • San Nikolas coronado
    confesor es muy ondrado
    ale, ale, alegría
    todo el mundo alabaría
  • Aquí estamos cuatro
    cantaremos dos
    una limosnita
    por amor de Dios
  • Aingeru gara
    zerutik gatoz
    poltsa badegu baina
    eskean gatoz
  • San Nikolas coronero
    confesero mari andres
    alarguna donzella
    cantaremos alegría
    bost etxetan sei ate
    zazpi etxetan su ote.
  • Aingeru gara,
    zerutik jeitsi gara
    una limosnita por amor de Dios
  
  
• DAUKANAK
  • Daukanak ez daukanari
    nik ez daukat eta niri
    Trapalatan bat
  • Gorostiagan bi,
    har itzazu gaztainak
    San Nikolasgandik.