Formulario de acceso

Pasahitza ahaztu dut

  1. Hasiera
  2. Kontzertua: Salvador Sobral

Kontzertua: Salvador Sobral

  • Salvador Sobral eta taldea

Donostiako Jazzaldiaren 55. edizioaren barruan, Salvador Sobral abeslariaren kontzertua.

Udalherria: Donostia / San Sebastián

Lekua: Kursaal

Ordua: 12:30

Hasiera: 2020/07/24

Amaiera: 2020/07/24

Sarrerak: 24 €

Donostiako Jazzaldia

Camino, 2 (20004) Donostia / San Sebastián

Telefonoa: 943 481 900
Faxa: 943 483 300
Weba: http://www.heinekenjazzaldia.com
Emaila: infojazz@donostia.org

Donostiako Jazzaldia antolatzen da.

  • Salvador Sobral (ahotsa)
  • Victor Zamora (pianoa),
  • Nelson Cascais (kontrabaxua)
  • André Sousa Machado (bateria)

2017ko Eurovisión jaialdiko garaipenari esker ezagutu ahal izan genuen beti jazzean aritu izan den abeslari portugaldar baten sentsibilitate artistiko ikaragarria; eta2018ko Jazzaldian gozatu ahal izan genuen bossa novaren, Latinoamerikako musika herrikoien eta jazzaren izen historiko handietako baten, Sobralek berak miretsi egiten duela behin baino gehiagotan aitortu izan duen Chet Baker tronpeta-jotzailearen, eragin nabarmenak dituen bere musikaz.

Bakarkako bi disko argitaratu ondoren, Sobralek hirugarrena estreinatuko du:Alma Nuestra. Gaztelania hutsean interpretatutako proiektu berri hori Donostiako Jazzaldiaren edizio honetan aurkeztuko du, eta gogokoen dituen boleroetako batzuk kantatuko ditu.

Víctor Zamora piano-jotzailea eta Salvador Sobral lagunak dira eta pasio bikoitza partekatzen dute: Latinoamerikako doinu goxoak eta jazza.Adiskidetasun eta gustu komun horietatik sortu da Alma Nuestra. Diskoan Kubako, Argentinako eta Hego Amerikako beste hainbat lurraldetako kantu ezagunak, betikoak, ekarriko dizkigute gogora.

Taldea ibilbide luzea duten beste bi musikari bikainek osatzen dute, hain zuzen ere, doinu indibidual markatuak dituen eta jazz portugaldarreko konpositore oparoa den Nelson Cascais kontrabaxu-jotzaileak eta bateria-jotzaile moldakorra eta irakaslea den André Sousa Machadok.

Baldintzak eta COVID 19  babes neurriak

Salmenta Baldintzak

  • Sarreren salmenta kanal ofizialak  JAZZALDIA, DONOSTIA  KULTURA/SARRERAK eta KURSAAL/SARRERAK dira. Garrantzitsua da erosketa web ofizial horietako baten bidez egin dela ziurtatzea.  Jazzaldiak ezin ditu bere gain hartu Internet bitartez birsalmentako enpresek egiten  dituzten abusuak. Sarrerak salgai egongo dira Victoria Eugenia Antzokian.
  • Abonua edo sarrera daramanak ezin graba dezake eta  ezin lagun dezake grabatzen ikuskizuneko soinurik ez eta irudirik ere.
  • Segurtasun alorreko begibistako arrazoiak direla-eta,  aretoan sartzerakoan kontrol edo araketak egin ahal izango dira. Debekatuta dago  toki barnean ikuskizuna eragotz dezakeen edozein gauza eramatea (beirak, etab.).
  • Kontzerturen bateko egitaraua aldatzeak ez du eskubiderik  emango abonuari dagokion osoko kopurua edo zati bat itzultzeko. Emanaldiren bat  suspendituko balitz, 2020ko abuztuaren 22a baino lehen itzuliko da, erosi zen puntuan,  bertan behera utzitako kontzertuari dagokion proportzioko diru kopurua.
  • Egoera onean ez dauden abonuak edo sarrerak ez dira  baliozkoak izango.
  • Tokitik irtenez gero, irtenaldia behin betikotzat  joko da.
  • Abonua edo sarrera daramanak antolakuntzari baimena  ematen dio bere irudia edozein bideotan edo ikuskizunaren edozein erreprodukziotan  agertzeko.
  • Barruti /esparru guztietan eserlekuak aurrez esleituak  izango dira. Ezin izango da zutik egon emanaldiak irauten duen bitartean.
  • Trinitate Plazako kontzertuak ez dira euriagatik  bertan behera utziko, musikari edo ikus-entzuleentzat arriskuren bat dagoenenan  salbu.
  • Kursaal Auditorioan, Victoria Eugenia Antzokian eta  San Telmo Museoan ezingo da aretoaren barrura sartu behin emankizuna hasten denetik  aurrera. Ezin da inolako janari zein edaririk sartu.
  • Jazzaldiko ordainpeko kontzertuak eskainiko diren  espazio edo esparruen edukiera kontrolatzeko eta errespetatzeko xedez, esparru horietara  sartzen den pertsona bakoitzak bere sarrera eduki beharko du, edozein dela ere bere  adina edo eserlekurik okupatzen ez badu ere.
  • Ordainpeko edozein ikuskizunetan, hiru urte edo gehiagoko  pertsona guztiek sarreraren prezioa ordaindu beharko dute.
  • Kontzertuetara dijoan edozein Antolakuntzak argitaratutako  osasun protokoloa betetzera behartua egongo da.

Covid 19 Babes Eta Higiene  Neurriak Victoria Eugenia Antzokian, Kursaal Auditorioan, San Telmo Museoan Eta  Trinitate Plazan.
Kontzertu guztiak babes eta higiene neurri zorrotzen pean egingo  dira:

  • Estalitako esparruetan, nahitaezkoa da maskara uneoro  erabiltzea.
  • Bakoitzak bere maskara ekarriko du. Maskarak salgai  egongo dira.
  • Sarreran gela hidroalkoholikoa jarriko da eskuak  garbitzeko. Komunek xaboia eta ura ere badute horretarako.
  • Gure instalazioak egunero garbitzen eta desinfektatzen  dira sakon: korridoreak, eserlekuak, eskudelak, igogailuak, komunak…
  • Distantzia bermatzeko, aurrez asignatutako besaulkia  bakarrik erabili ahal izango duzu,
  • Erakundeko langileek segurtasun tartea bermatuko  dute sartzeko ilaran.
  • Araudiaren arabera, ez da esku-programarik  eta aldizkaririk egongo.



Ekei Kulturweb S.L.L.