Formulario de acceso

Pasahitza ahaztu dut

  1. Hasiera
  2. Kontzertua: Jazz at Massey Hall

Kontzertua: Jazz at Massey Hall

  • Perico Sambeat

Donostiako Jazzaldiaren 55. edizioaren barruan, Jazz at Massey Hall taldearen "Charlie Parker Tribute" kontzertua.

Udalherria: Donostia / San Sebastián

Lekua: Victoria Eugenia Antzokia

Ordua: 12:30

Hasiera: 2020/07/22

Amaiera: 2020/07/22

Sarrerak: 12 €

Donostiako Jazzaldia

Camino, 2 (20004) Donostia / San Sebastián

Telefonoa: 943 481 900
Faxa: 943 483 300
Weba: http://www.heinekenjazzaldia.com
Emaila: infojazz@donostia.org

Donostiako Jazzaldia antolatzen da.

  • Perico Sambeat (saxo altua)
  • Voro García (tronpeta)
  • Albert Sanz (pianoa)
  • Toño de Miguel (kontrabaxua)
  • Stephen Keogh (bateria)

Charlie Parkerren jaiotzaren 100. urteurrena omentzeko eta Perico Sambeat saxofoi-jotzaile handiaren zuzendaritzapean, bost musikariek jazzaren historian grabatutako kontzertu gorenetako bat –Jazz at Massey Hall, be-bop mugimenduaren gailurra izan zena– berrinterpretatuko dute. Orduan bildu zen, beharbada, inoizko jazzeko formaziorik onena izan dena: Charlie Parker, Dizzy Gillespie, Bud Powell, Charles Mingus eta Max Roach.

Charlie Parkerren heriotzarekin –1955eko abuztua– historiako musikaririk jenialenetako bat galdu zuen munduak. Haren konposiziorako kontzeptu eta senak, inprobisatzeko intuizioak eta saxo altuarekin garatu zuen teknika berritzaileak errotik aldatu zuten musika modernoaren ibilbidea mila bederatziehun eta berrogeiko hamarraldiaren erdialdean, Dizzy Gillespie tronpeta-jotzailearekin batera, be-bop izeneko estilo apurtzaile eta liluragarriaren lider nagusia izan zenean. Charlie Parker 1920an jaio zen Kansas Cityn, beraz, jeinuaren jaiotzaren mendeurrenean gaude. JAZZ AT MASSEY HALL REVISITED Parkerren omenezko proiektu bat da. Gaur egungo Europako musikari gailenetako batzuk biltzen dituen boskoteak Parker eta Gillespieren taldeak Torontoko Massey Hallen 1953ko maiatzaren 15ean emandako kontzertu mitikoaren errepertorioa berrituko du. Hain zuzen ere, emanaldi huraxe jotzen baita be-boparen puntu gorentzat, nahiz eta, aldi berean, estilo haren beltxargaren kantutzat ere hartzen duten askok.

Baldintzak eta COVID 19  babes neurriak

Salmenta Baldintzak

  • Sarreren salmenta kanal ofizialak  JAZZALDIA, DONOSTIA  KULTURA/SARRERAK eta KURSAAL/SARRERAK dira. Garrantzitsua da erosketa web ofizial horietako baten bidez egin dela ziurtatzea.  Jazzaldiak ezin ditu bere gain hartu Internet bitartez birsalmentako enpresek egiten  dituzten abusuak. Sarrerak salgai egongo dira Victoria Eugenia Antzokian.
  • Abonua edo sarrera daramanak ezin graba dezake eta  ezin lagun dezake grabatzen ikuskizuneko soinurik ez eta irudirik ere.
  • Segurtasun alorreko begibistako arrazoiak direla-eta,  aretoan sartzerakoan kontrol edo araketak egin ahal izango dira. Debekatuta dago  toki barnean ikuskizuna eragotz dezakeen edozein gauza eramatea (beirak, etab.).
  • Kontzerturen bateko egitaraua aldatzeak ez du eskubiderik  emango abonuari dagokion osoko kopurua edo zati bat itzultzeko. Emanaldiren bat  suspendituko balitz, 2020ko abuztuaren 22a baino lehen itzuliko da, erosi zen puntuan,  bertan behera utzitako kontzertuari dagokion proportzioko diru kopurua.
  • Egoera onean ez dauden abonuak edo sarrerak ez dira  baliozkoak izango.
  • Tokitik irtenez gero, irtenaldia behin betikotzat  joko da.
  • Abonua edo sarrera daramanak antolakuntzari baimena  ematen dio bere irudia edozein bideotan edo ikuskizunaren edozein erreprodukziotan  agertzeko.
  • Barruti /esparru guztietan eserlekuak aurrez esleituak  izango dira. Ezin izango da zutik egon emanaldiak irauten duen bitartean.
  • Trinitate Plazako kontzertuak ez dira euriagatik  bertan behera utziko, musikari edo ikus-entzuleentzat arriskuren bat dagoenenan  salbu.
  • Kursaal Auditorioan, Victoria Eugenia Antzokian eta  San Telmo Museoan ezingo da aretoaren barrura sartu behin emankizuna hasten denetik  aurrera. Ezin da inolako janari zein edaririk sartu.
  • Jazzaldiko ordainpeko kontzertuak eskainiko diren  espazio edo esparruen edukiera kontrolatzeko eta errespetatzeko xedez, esparru horietara  sartzen den pertsona bakoitzak bere sarrera eduki beharko du, edozein dela ere bere  adina edo eserlekurik okupatzen ez badu ere.
  • Ordainpeko edozein ikuskizunetan, hiru urte edo gehiagoko  pertsona guztiek sarreraren prezioa ordaindu beharko dute.
  • Kontzertuetara dijoan edozein Antolakuntzak argitaratutako  osasun protokoloa betetzera behartua egongo da.

Covid 19 Babes Eta Higiene  Neurriak Victoria Eugenia Antzokian, Kursaal Auditorioan, San Telmo Museoan Eta  Trinitate Plazan.
Kontzertu guztiak babes eta higiene neurri zorrotzen pean egingo  dira:

  • Estalitako esparruetan, nahitaezkoa da maskara uneoro  erabiltzea.
  • Bakoitzak bere maskara ekarriko du. Maskarak salgai  egongo dira.
  • Sarreran gela hidroalkoholikoa jarriko da eskuak  garbitzeko. Komunek xaboia eta ura ere badute horretarako.
  • Gure instalazioak egunero garbitzen eta desinfektatzen  dira sakon: korridoreak, eserlekuak, eskudelak, igogailuak, komunak…
  • Distantzia bermatzeko, aurrez asignatutako besaulkia  bakarrik erabili ahal izango duzu,
  • Erakundeko langileek segurtasun tartea bermatuko  dute sartzeko ilaran.
  • Araudiaren arabera, ez da esku-programarik  eta aldizkaririk egongo.


Ekei Kulturweb S.L.L.