Formulario de acceso

Pasahitza ahaztu dut

  1. Hasiera
  2. Erakusketa: Malas madres / Sokatik zintzilik dauden bizitzak

Erakusketa: Malas madres / Sokatik zintzilik dauden bizitzak

  • Kartela

Malas madres / Sokatik zintzilik dauden bizitzak Tabakalerako hainbat txokotan egingo diren esku-hartze artistikoetako lehenengoa da. Jerónimo Hagerman artistak sortutako instalazio honek gure begirada erakarriko du Tabakalerako plazara sartu orduko.

Udalherria: Donostia / San Sebastián

Lekua: Tabakalera

Ordua:  

Hasiera: 2017/06/16

Amaiera: 2020/06/16

Sarrerak: 0,00 €

Hagermanek Tabakaleraren espazioaren baldintzetara egokitu du proiektua. Balkoien altuera ezberdinetan lorategi dilindari bat sortu du 45 landare baino gehiago elkarren artean lotuz itsasontzietan erabiltzen diren korden tankerako soka-sare baten bidez. Malas madres / Sokatik zintzilik dauden bizitzak proiektuak eraikina hautemateko beste modu batzuk bilatzen ditu: beste izaki bizidun bat airean zintzilik ikusten dugunean sentitzen dugun bertigoak ohartarazten gaitu lurrean ainguratuta dugun bizi-egoera hauskorraz. Natura gizatiar eta ez-gizatiarraren arteko harreman horrek unibertsoan betetzen dugun eskala zein den iradokitzen digu.

Ikuspegi antropozentrista batetik, beste izaki bizidun batzuengana gerturatzeko horiek gizatiartzeko joera daukagu. Hala egiten dugu, adibidez, maskoten izenekin, ipuinetako pertsonaiekin edo landareen izenekin. Gizakiak hain bere duen jokamolde horretatik abiatuz, landare hauei «malas madres» («ama txarrak») esaten diete mexikarrek, euren kimuak habitik kanporatzen dituztelako. Hemen, berriz, «xingolak» izenarekin ezagutzen ditugu landareok.

Jon Begiristainekin lankidetzan garatutako proiektua.

Eraikinaren irekiera ordutegia:



Kulturweb